Dangdanggula
Dangdanggula wiwitaning gending,
pamunggaran pedaran carita,
carios nu ngalalakon,
nu hoyong jadi ratu,
nyorang jalan nu rembet rumpil,
da ngarebut sasatna,
mun taya nu nulung,
samar pisan tinekanan,
lalampahan enteu lawas-lawas teuing,
di jaman Hindu murba.
Jaman murba sabuana Jawi,
tatar wetan nu seja dipedar,
nu ayeuna aya keneh,
patilasan nu kantun,
pigeusaneun ngajadi saksi,
nyaksian yen enyana,
nu awit dicatur,
lebah Malang ayeunana,
dina taun sewu dua ratus leuwih,
genep puluh dalapan.
Aya nagri nami Singosari,
atanapi Tumapel nelahna,
nagara beres tur gede,
rea ratu sumujud,
nagri-nagri anu gumusti,
ka Singosari nyembah,
caos saban taun,
taja-raja tanah Jawa,
malahanan ti sabrang henteu saeutik,
nusa-nusa tatangga.
Ti Sumatra Borneo jeung Bali,
