Patih agung pinunjul,
nu perceka ngolah nagari,
gagah di medan perang,
gegedugna pupuh,
sugih elmu beunghar luang,
nu jenengan Raganata pilih tanding,
henteu aya bangsana.
Ayeuna mah eta Arya Patih,
meh sagala sakur piunjukna,
ku Raja teu dipalire,
najan bakal rahayu,
saupama panjang digalih,
estuning matak heran,
wet kalah sok bendu,
malah ahir-ahirna mah,
Raden Patih ku Raja dilungsur linggih
diturunkeun pangkatna.
Henteu kenging ngereh abdi-abdi,
dijenengkeun kapala perdata,
sirikna henteu ditoker,
tina lungguh dilungsur,
tina ngiring ngolah nagari,
ayeuna teu dicandak,
henteu kenging campur,
ku Raja henteu kamanah,
hal eta teh sasatna ngipuk balai,
baruang ka salira.
Tambah-tambah Kangjeng Raja milih,
gagantina Patih Raganata,
estu lalawora bae,
henteu kersa maluruh,
laku lampah tata nastiti,
jeung kacakepanana,
sakaliring mulus,
