ari pek teh nu diangkat,
Aragani Kebo Tengah Sang Apaniji,
jalma nu goreng lampah.
Ku hal eta rayat Singosari,
jeung sawareh para ponggawana,
pada ngalolembar hate,
rada nonggong ka Ratu,
jadi genjlong eusi nagari,
abdi-abdi marudah,
hatena teu junun,
da sasat teu dirasanan,
ku lantaran papatihna lanca-linci, teu aya komarana.
Kacaturkeun nagri Singosari,
sosobatan reujeung nagri Tartar,
lebet buana Tiongkok,
malah mah ti beh ditu,
alam raja-raja suargi,
nyobatna henteu kendat,
henteu putus-putus,
majeng tawis kagegelan,
mangsa eta di Tartar nu jadi aji,
Cubilay wawangina
Tapi eta dua pra Narpati,
batinna mah henteu saaleutan,
rehna Cubilay Sang Katong,
nganggap Tumapel taluk,
ku lantaran kitu panggalih,
anjeunna can sugema,
ngan nampi kikintun,
palay katut ka Rajana.
ngadeuheusan ka nagara Pariars sumping,
sumujud ka anjeunna.
Atawana utusan pra wargi,
