tina wělasěn ngadangoe lalampahan koering, tidinja aja nangkoda rék lajar kadijě, toeloej koering noempang pamitan děhi ka Radja, di idinan serta di paparin běkěl sapoeloeh ringit; toeloej kapal lajar serta koering hantě majar oembalan ka nangkoda tina kawělasanana ka diri koering. Koering handjat di palaboewan, toeloej koering moelang gagantjangan; barang něpi ka loewar koeta měnang bédja, jén poen bodjo njěrěk djělěma noe ngadjoewal papakéjan poen anak, roepa gělang sarěng ali, malah ajěna éta djělěma, powé ijě pisan rék di hoekoem di paéhan děhi, tina di goegat koe poen bodjo maéhan koering sareng poen anak.
Koe prakawis éta noe matak koering poho di katjapéjan, loempat sakoewat-koewat, moro éta djělěma, bisi kaboeroe di gantoeng, ajěna pioendjoek koering ka adjěngan éta djělěma moegi oelah sijos di gantoengna, karana tangtoe hantě gadoeh dosa, réhna poen anak tétéla maot kalěboeh, gělang ali di paké; pangintěn koering, bangké poen anak toeloej di těda boehaja, tangtoe lěrěs pioendjoekna poen miskin.
Lamoen éta poen miskin sijos di gantoeng karoenja katjida.
