gěs poegoeh koering měnang tjilaka, tambah mawadza batoer.
Tidinja ama di lěpaskěn, toeloej di sěratkěn koe hakim, tjaritaän ama djĕng tjaritaän bapa awéwé téja noe kapanggih bangkéna koe ama tina djěro bětěng boehaja; pariksaänana di sanggakěn ka Soelthan. Toeloej ama rawoeh bapa awéwé téja di saoer koe Soelthan, ka kraton ngiring hakim téja. barěng něpi ka kraton, Soelthan kasondong kěr linggih dina korsi kantjana di tarétés koe sosotja, di děhěsan para mantri, ponggawa, patih Djapar noe djadi pangpajoena, serta moeroeb moebjar parabot ěmas pérak, hoeroeng mantjoer tjahajana matak sérab.
Tidinja gék ama rawoeh bapa awéwé téja darijoek serta hormat. Toeloej kangdjěng Soelthan mariksa, mimitina ama njarita ti awal něpi ka ahir.
Gés kitoe toeloej bapa awéwé sjarita ti awal něpi ka ahir. Kangdjěng Soelthan sěmoena wělasěn katjida, datang ka ragragan tjisotja sěrta ngandika, lahirna: Hé patih Djapar! ajěna éta doewa djělěma noe pada měntas njěrang balahi, sěrta pada měh něpi kana adjalna, děmi ajěna koedoe
