njilokakeun njoektjroek lakoe,
njoektjroek lakoe noe rahajoe,
mapaj lampah noe baheula,
ioeloeroeng toedjoeh ngabandoeng,
kadalapan keur disorang;
bisina néroes naroetoes,
bisina naradjang alas,
palias néroes naroetoes,
palias naradjang alas,
da poegoech galoer ing toetoer,
ngémbat papajan tjarita;
ti méndi pipasinieun,
ti mana pitjaritaeun,
tétép mah tina kahyangan,
ditandean tjoepoe manik,
tjoepoe manik astagina,
diwadahan sarat tangan,
ditoeroeban koe mandépoen,
diteundeun di djalan géde,
diboeka koe noe ngaliwat,
koe noe wéroeh di semoena,
koe noe rantjage di angen,
diboeka pating haleuang,
noe menta dilalakonkeun.
Tjag
Teundeun di handeuleum sieun,
toenda di handjoeang siang,
paranti njokot ningealkeun.
II
Tjatoerkeun radja noe mana?
tjatoerkeun ratoe noe kidoel,
kami mah palias keneh,
bisi goeroe tanpa poehoen;
ratoe koelon kitoe keneh,
