Ieu kaca geus diuji baca
- Jeung ieu ucap-ucapan, lain heureuy karesepan, lamun leukeun ngalantipan, hasilna antep-antepan.
- Ya Alloh anu Kawasa, nu maparin ni'mat rosa, mugi ieu paribasa, nyangsang 'na ati manusa.
- Baeu bangkeut nu saranten, nu mahal ti batan inten, darangukeun ku maranten, pitutur hasil teu kinten.
- Hiap ka dieu istrina, urang wuruk pangheulana, Nyai sing hade nampana, piwuruk alap eusina.
- Mun kasumpingan tatamu, sing singer ulah kumumu, nulak wiwirang sing timu, ambeh caroge teu nyemu.
- Elingkeun masing ngalemah, mun caroge teu di imah, ulah rek nyaba percumah, pelesir seug ngadon nyemah.
- Jeung mun rek angkat-angkatan, masing beres nya pamitan, kade ulah sosobatan, jeung istri lenger bengbatan.
- Tatapi di panyabaan, ulah ngeunah kalilaan, liwat tina pasejaan, bisi manggih pacelaan.
- Lamun arek barang bikeun, anu patut diragemkeun, kade ulah disidemkeun, memeh sok kudu bejakeun.
- Ambeh ku nu diberena, dialuskeun duanana, salaki ngeunah manahna, malik ka Nyai asihna.
- Geus tamat muruk istrina, hiap kari pamegetna, ujang poma sing nyantana, daerehdeh hade budina.
- Ka bojo masing prayoga, ulah sok nyiar cecega, ulah nyapirakeun harga, awewe moal kaduga.
- Nyaeta kudu nykakeun, ulah kumaki ngepeskeun, ngahuap jeung nyapirakeun, sok matak malik nyusahkeun.
- Bangsa anu leuleutikan, lamun boga mimilikan, terangkeun ka pamajikan, ulah salingkuh tiktikan.
326
