Prabu Triwikramasena ngadangu piunjuk Tumenggung bingah manah sakalangkung. Ari ku permata mantenna henteu karooh, saayana mutiara dilelerkeun ka Tumenggung Bendahara.
Caturkeun deui isukna Wiku geus Jogo cara sasari, tuluy ku Raja dipariksa: ,,Sang Wiku, naon margina unggal poe ngaha- hambur dunya barana, dipake bakti ka kaula? Poe ieu kaula moal narima buah pangbakti ti ajengan, lamun henteu dicarita- keun maksudna.”
Wiku haturan ka Raja paduduaan: ,Mugi Sang Ratu waspaos, sayaktosna pun paman aya kabutuh, manawi sareng manawi aya tresnaning galih, hawelas ka diri pun paman, bade nyuhun- keun kamandang. Aya perkawis anu kedah dipilampah ku pun paman, anu kedah disarengan ku pitulung jelema gede wawanen. Dupi anu kaerong piiasaeun, teu aya deui kajabi salira Gusti anu parantos kakoncara pinunjul gagah, kiwari teu aya nu nendeng. Kumaha kinten-kintenna?”’
Lahir Raja: ,,Lamun anu sakira kadada kaduga, kaula sanggup. Pok rek neda pitulung naon?”
Wiku bungah disanggupan ku Sang Ratu, pihaturna: ,,Kateda kasuhun, disanggupan kalingga murda aya lunturing galih. Engke dina kapareumnakeun sasih ku pun paman diantos handapeun caringin caket panghuruan gede, waktosna wanci sareupna.”
Sanggeusna pasini ngajadi, Wiku bungah tuluy mulang.
Nepi kana waktuna Raja emut kana janji, jut lungsur ti karaton dedemitan, nyalira teu nyandak rencang dikukudung sutra wulung, angkat ngajingjing pedang. Da puguh keur pareum bulan, peuting poek butarajin, tapi Raja jongjon angkat, ngalangkung ka pang- huruan, taya kasieun kagila, padahal sakuriling panghuruan teh poek meredong, matak cengkat bulu punduk, matak kokoplokan birit; sora seuneu muntab-muntab kasawur ku babaungna ajag. Ari lebah anu caang kahibaran cahaya seuneu, tangkorek pating gulutuk, rorongkong pating solengkrah, tulang-taleng pabalatak. Ririwa reujeung dedemit nya di dinya ngagimbungna.
Handapeun tangkal caringin Wiku kasampak geus aya, keur nyieun kalang buleud, pigeusaneun metakeun pamakena. Srog
ku Raja disampeurkeun bari ngalahir: ,,Sang Wiku, ieu kaula.
