Angin gunung ngadalingding, neumbag tangkal nebak dangdaunan, ting arusik sungkan malik masih genah hayang keneh cicing, da puguh masih keneh peuting.
Halimun subuh nyulumun nyalisib sela-sela bilik, nembus nyusup ka nu keur murungkut, dikarimbun disimbut, cep nye- cep niup daun ceuli.
Mapay bulu-bulu badan, sumarambah kana urat-urat saraf, nu keur sare tibra kageuingkeun, panon tunduh kapaksa yen kudu nyaring.
Nyaring bari panon peureum, batan hudang anggur ngaring- kuk nyieun angka tilu.
Sirah nyusup kana bantal, leungeun nyelap sela-sela ping- ping, masih teu katahan, keukeuh kedeuh tiis nyecep sakuriling bungking, poporongkolan narik sarung, nyedek kana sisi bilik, ngarah susuganan, tonggong antel sugan haneut, tapi tiris tetap BSG aoc «wie» angin gunung.
Sulubung haseup di pabrik ngaheong, tarik ngajerit, gancang narawangan, nyebrut asup kana ceuli-ceuli nu keur ngaringkuk ngadedempes ngarasakeun tirisna angin.
Hudang, sanajan tiris kudu hudang, teu meunang sungkan teu bisa aral, sanajan tiris jeung poek keneh oge kudu hudang, geuwat hudang, dangdan jeung mangkat.
Hatong sulubung haseup ngaheong, lain sakadar disada, lain sakadar disada supaya kadenge cara ngadenge kana sora suling, tapi ieu mah ngaheong ngabejaan, ngaheong parentah, ngaheong nitah, nyaeta supaya bujang-bujang kontrak harudang terus mangkat ka kebon, digarawe.
Bujang-bujang kontrak, pukul lima rebun-rebun kudu geus ngajingjing ember, mawa peso pangot mangkat ka kebon, nyadap geutah karet.
Bujang-bujang kebon atawa sok disebut kuli-kuli kontrak,
awewe lalaki, oge barudak nu sawawa rebun-rebun geus diharudum
