tenan bentang-bentang. Di dajeuh Madjapait ge, kira-kira aja panggoeng paranti mtenan bentang. Di Pasoendan nêpi ka djaman ajeuna, aja keneh noe njaraho kana ngaran poë di djaman Hindoe, sok dipake ngitoeng rêpok atawa dipake norah. Bangsa doekoen katjida apaleunana, ana njĕboetan ngaran poë teh mani noroiong, kieu tjënah:
Dite = Ahad
Soma = Sĕnen
Anggara = Salasa
Boeda = Rebo
Rëspati = Kĕmis
Soekra = Djoema'ah
Toempek = Saptoe.
Eta parelean, ajeuna (malah geus lila) geus kanjahoan, jen henteu bĕnĕr, tapi baheula mah koe oerang Eropa oge diandĕl bae, malah ditoeroetan, diparake ngaran poë, ngan teu make ngaran Hindoe, da noeroetan oerang Roem (Romeinen lain Toerki) djeung
oerang Grik (Griekenland atawa Joenani), nja oenina djadi kieu:
Zondag asalna tina Zon (Panonpoë).
Maandag —〃— —〃— Maan (Boelan).
Dinsdag —〃— —〃— Mars (Tin atawa Tyr).
Woensdag —〃— —〃— Mercurius (Wodan).
Donderdag —〃— —〃— Jupiter (God v/d donder).
Vrijdag —〃— —〃— Venus (Freia).
Zaterdag —〃— —〃— Saturnus.
Ari ngaran-ngaran poë, noe ajeuna diparake koe bangsa Islam, noeroetan Arab, hênteu ngindjeum tina ngaran bentang-bentang. Tapi tadi geus disëboetkeun, jen oerang Arab ge katjida njahoeunana kana kaajaan bentang-bentang teh, malah dingaranan koe basa Arab, aja oge noe saroea djeung ngaran Hindoe, Ieu di handap parelean ngaran Arabna noe toedjoeh tea:
Samsoe = Panonpoë.
Kamar = Boelan.
Marich = Mars.
Oetarid = Mercurius.
Moestari = Jupiter.
Djoehara = Bentang Timoer.
Djoehal = Saturnus.
— 289 —
19
