|
Mana lucu-lucu teuing,
Saha ieu anu kagungan kalangenan.
|
| 16. |
Rahadén Ahmad geus ilas,
Kuma béhna baé aing,
Leleb jero sayuran,
Tapi samar-samar galih,
Raosna Dén Ahmad deui,
Atos dina leuweung Liwung,
Teu lami deui Dén Ahmad,
Mendak tempat langkung resmi,
Aya jamban buni // alus sisi taman.
|
| 17. |
Beuki bengong Radén Ahmad,
Pacampur jeung lejar galih,
Asup ka tepas Dén Ahmad,
Sila semu anu isin,
Ngadéhém barina muni,
Sampurasun kaulanun,
Jisim kuring neda maaf,
Neda liren juragan kuring,
Nyi randa ngadangu nu pupuntenana.
|
| 18. |
Ti jero gancang ka luar,
Barang béh gebeg ningali,
Kagét manah Nyai randa,
Ka putra énggal ngalahir,
Cing geuwat ka dieu Nyai,
Bet aya ieu tatamu,
Nyi Rara sumingkar gancang,
Nyandak amparan alketip,
Pangcalikan paranti Néng putri lenggah.
|
| 19. |
Amparan enggeus dipasang,
Cek Randa sumangga calik.
|
