|
Siti Bagdad nu kacatur,
Geus nguping ti urang Mesir,
Kembang jadi kembang panon.
|
| 30. |
Anggeus jadi kacapangan soré isuk,
Édan biwir Urang Mesir,
Taya anu kapicatur,
Nu kasép juru paminggir,
Ngan Ahmad nu kapicarios.
|
| 31. |
Siti Bagdad ngupingkeun,
Pangbendu éta putri,
Tara aing nu pantes weruh,
Saméméh nu sanés istri,
Kari duwa iyeu kaboyong.
|
| 32. |
Méméh putri bet nu sanes heula guyur,
Nguping gé putri pandeuri,
Nguping wartos enggeus mashur,
Rupi teu acan sidik,
Énggalna putri marios.
XIV. Kinanti
|
| 1. |
Rahadén putri seug nyaur,
Ka emban duwa pangais,
Kami emban meunang béja,
Nguping béja urang Mesir,
Aya nu kasép satria,
Di karang kembang Paminggir.
|
| 2. |
Ngaran Ahmad anu mashur,
Naha éta téh lalaki,
Nu matak aya di dinya,
Urang mana wani-wani,
Kapan di Karangmalena,
|
