Ieu kaca geus divalidasi
43
- Syéh alim lajeng miwuruk,
kaputar-putar anu berbudi,
ajang masing awas pisan,
reungeukeun masing kaharti,
ari jalan nu mangpaat,
ka diri awak pribadi. - Surupkeun kana alhamdu,
éta agus kudu harti,
surupkeun masing waspada,
alhamdu surupkeun deui,
surupkeun kana bismillah,
bismillah surupkeun deui. - Kana alif goib tangtu,
nya éta kudu kaharti,
tah kitu adab-adaban,
ku agus kudu dipikir,
masing datang ka enyana,
supaya salamet diri.
kapan rama geus wewekas,
salang surup asup bijil,
pungkur tah masih rumingkang,
tacan kaharti ku ati.
12. Pupuh Pangkur
- Syéh alim lajeng ngandika,
ka putrana reungeukeun masing kaharti,
ari jalan nu berilmu,
anu mangpaat ka awak,
tina qur’an surupkeun kana alhamdu,//20
surupkeun masing waspada,
alhamdu surupkeun deui.
