Ieu kaca geus divalidasi
62
- Tenggal tedak Gunung Jati,
manéh ulah asa-asa,
nya ngaboja ka rama téh,
réh urang carang patepang,
Ratu Emas Harisbaya,
tungkul jeung pasemon imut,
sanggeus pada silitingal. - Banget kapineut nya galih,
ti beurang gok gé patepang,
kakara ningal nu kasép,
sarta mancur cahayana,
Ratu Emas Harisbaya,
banget pisan ngalilibur,
ulah katawing gagiwang. - Geus sami rék caralik,
adat pangboja karmana,
ti dinya Geusan Ulun téh,
diperenahkeun kulemna,
ku Pangéran Girilaya,
dikulemkeun dina tajug,
anu parek kabumina. - Pangéran Girilaya tadi,
sanget ngolah agamana,
sabawah nagri Cirebon,
ragem ngolahna agama,
panganggeuna Girilaya,
sok mindeng nyauran kumpul,
jeung bopati ti Sumedang,
manéhna kakara tepung,
ieu téh sadérék misan.
