Ieu kaca geus divalidasi
64
- Eukeur mah pangagung luhur,
nya kasép nya hadé budi,
lain jalma samanéa,
pantes karamatna leuwih,
saur Pangéran Girilaya,
paménta akang ka adi. - Mun tong waka gura giru,
nya kersa mulih ka bumi,
di dieu ngeureunan palé,
mulih angkat ti nu tebih,
ti dieu kana gigir Demak,
lalakon welasan peuting. - Pihaturna Geusan Ulun,
sadaya-daya kairing,
kocap Ratu Harisbaya,
saban poé saban peuting,
tambah-tamnah kagiunganna,
méh teu bisa mengkek galih. - Tampolana hayang gapruk,
ngerewes muaskeun ati,
sakuat-kuat ditahan,
kacarita hiji peuting,
Geusan Ulun enggeus tibra,
Kulemna di masjid tadi.
pihaturna para alim,
jeung teu pegat malencrongna,
aromongna para alim,
ieu bupati Sumedang,
éstu jalma luhur singgih.
