Ieu kaca geus divalidasi
72
- Tapi teu raos sangsara,
katukeran ku katresna galih,
lajeng Geusan Ulun nyaur,
jeung pasemon marahmay,
Eulis ulah rek ngagugu manah reungu,
réh nénjo tanah Sumedang,
jeung Cirebon lain deui. - Kaéndahan kamulyaan,
hanteu aya ayeuna mah diganti,
nya leuweung luwang liwung,
jalma ngan sakur aya,
geus ngapasten kudrating Alloh nu agung,
warna eusi alam dunya,
nu aya di kolong langit. - Ratu Emas Harisbaya,
ngawalonan pasemon hégar galih,
saurna kuring saumur,
teu acan gaduh rasa,
nu sakieu bungahna sagunung-gunung,
paribasa laut lega,
lega kénéh ati kuring. - Ku Geusan Ulun kamanah,
pangleuleunjar salahir-lahir putri,
leleb mésem Geusan Ulun,
puguh gĕ lalawanan,
paribasa gula katinyuh ku madu,
nya éta bandingannana,
nu kasép reujeung nu geulis. - Sigeg mu di kutamaya,
gusti abdi pada barungah galih,
