Ieu kaca geus divalidasi
122
Pupuh Magatru
- Balad tunjung surakna mani ngaguruh, deuleu tah saratus nagri, jago sia ngadon tidur, pek hudangkeun sina nyaring, sukur oge lamun kojor.
- Gandulayaa lami-lami lajeng imut, namung rada langlang-lingling, jalugjag-jaligjeug ripuh, labuh lajeng hudang deui, kawas anu keur sakalor.
- Ti tunjungbang surakna mani ngaguruh, nyeri ngarasa kanyeri, pupuh sami pada pupuh, hayoh pada tumpang deui, silih cokel soca bolor.
- Anu perang kabujeng waktu, tandingan kasapih burit, paturay ngaler jeung ngidul, sakitu nu mentas jurit, mulihna pating lalenghoy.
- Barang dongkap ka pasanggrahan ngaguruh, balad mapag suka ati, ngaginggung sorana degung, melas melis sora suling, dor-doran sora bajidor.
- Para mantri ponggawa rawuh tumenggung, rame pada ngararibing, nayuban dibarung nginum, bir arak sinarang sopi, sapalih pada marabok.
- Sarni bae pribumi tamu nyakitu, ngageder rame sawengi, nu nayub dugi ka isuk, kasukaan abdi-abdi, maen pute maen colok.
- Geus bubaran nu maraen isuk-isuk, geus pasang deui perjurit, bandera nanjeur ka luhur, ti tamu nyakitu deui, lajeng jengkar prabu anom.
- Sareng musuh nu kamari geus patepung, sami na keur perang tanding, tatangdanagna matak lucu , wani sami-sami wani, satria sumedeng anom.
- Pada ngabar curiga sami maraju, duanana nyepang keris, namung hatna palaur, sami gaduh manah risi, tilas kamari karapok.
- Barang sebrut raden Lalana nu nyuduk, den Gandulaya teh leungit, alal-ilik raden bagus, kailangan lawan jurit, henteu lami beh katembong.
