Ieu kaca geus divalidasi
137
| sapanjangna bisa mulus, moal mendakan halangan, cedok nyembah Nujuk Sidik. | |
| 1011. | Duh Gusti putra gamparan, ageung pisan bahlana teh agan Putri, moal lepat kaulaun, putra teh dipaling buta, malah-malah eta teh buta ti gunung, dina sasih ieu pisan, buta dua tukang jail. |
| 1012. | Lenggerek Maha Raja. nguping nujum piunjukna anu sidik, ka patih enggal ngadawuh, eh patih atuh ayeuna, sing sadía kumpulkeun kabeh sardadu, geura alur halad-balad, ulah aya nu kari. |
| 1013. | Sadiakeun tumbak pedang, jeung mariem kalantaka bedil cuplis, ulah rek elat sardadu, saban poe kudu jaga, enggeus budal harita, mani ngaguruh, sardadu pada ariang, sumawona ponggawa mantri. |
| 1014. | Kacaturkeun dua buta, namina leh Buta Renas Buw Renis, harita turun ti gunung seja maling putri tea, geus ngaguruh leumpangna cundeur fir gugur, kai kasorang rarebah, batu cadas tinggaruling. |
| 1015. | Jauhna teh ka nagara, kira-kira lampahna sabulan leuwih, lamun kasorang lumaku, harita buta geus dalang, tilu poe geus datang ka sisi kampung, nu ngajaga kaget pisan, kasima tuluy ngalacir. |
| 1016. | Bula noyod ka nagara, geus katembong kunu jaga ti nagari, mariem diseungeut jegur, pelor laya nu teurak, manan teurak malah meber siga nyirų, nu ngajaga lalumpatan, cul bedil nyarumput buni. |
| 1017. | Sawareh anu kasima, jongjon nangtung teu ngiceup mata buncelik, sawareh nanagkeup bulu, ku huta teh ditewakan, sahuap ku buta dilegleg terus, hiji ge taya nu kuat, kakocapkeun raden patih. |
