Ieu kaca geus divalidasi
39
| 113. | Sang ratu ngadangu mesum, ka patih lajeng ngalabir, teyangan bae ayeuna bawa, sing nengan manuk Nori,di tempoan genep bulan, kudu bukti manuk deui. |
| 114. | Mun heunteu panggih dihukum, hayoh maneh geura indit, ku raden patih dicandak, Den Lalana nu keur nangis, di bumina diwurunkan, duh Agan ua mepeling. |
| 115. | Raden kedah buru buru, ulah aya di negeri, ua lain hanteu nyaah, wantu adat rama bengis, den Lalana nyembah hormat, kumambang cisoca mili. |
Pupuh kumandang
| 116. | Den Lalana pamit di payuneun patih, lajeng kebat angkat, lalewang pikir ngalingling, liliwung raosna lewang. |
| 117. | Kakocapkeun harita parantos sumping, ngadeuheus ka ibuna, barang ret ge katingali, diboro diceungceungrikan. |
| 118. | Aduh ampun leu nyana papangih deui, panyana geus wapat, ku rama dihukum mati, kulantaran hoga dosa. |
| 119. | Ibu putra sami nalangsa nangis, ngemutkeun tutulisan, saumur nandangan berangati, raden ka ibu unjukan. |
| 120. | Kaulanun ibu ayeuna sim abdi, diutus ka ama, kedah nyusul manuk Nori, ku abdi kedah kacandak. |
| 121. | Abdi pamit mugia ibu leh widi, sareng neda dihampura. |
| 122. | Tilas ibu kahesean ku sim abdi, mugi jembar manah, ngahapunten lahir hatin, teu kabujeng mulang tamba. |
| 123. | Ibu raden ngusapan dibarung nangis, nyaur dumareuda, aduh agan buah ati, ingsaaloh rido pisan. |
| 124. | Didoakeun ku ibu sing mulus diri, bral geura angkat, jeung ieu ibu maparin, sabiji ali wasiat. |
| 125. | Kasiatna mun jaga baringsukpagi, manggih kakeueungan, pek susutkeun ieu ali, kana duanna. |
