Ieu kaca geus divalidasi
49
- Naon atuh abi pamulang tarima, da puguh ge jalmi taip, hina taya kaboga, buaya putih ngajawab, duh Agan sembaheun abdi, teu mamrih bapa, pamulang tarima deui.
- Margi bapa ka Agan kawajiban, ti kapungkur dianti-anti, ayeuna nembe pendak malahan bapa wasiat, mugi Agan kersa nampa, bade bumela, bapa sambat tangtos dugi.
- Saratna mah cai tilu kali nepak, mun nandang kasesah ati, tangtu bapa atang, sanajan aya di mana, pamugi agan sing eling, wasiat bapa, jawab Den Lalana nampi.
- Nuhun Agan ayeuna bapa rek mulang, buaya putih ngaleungit, teu puguh leosna, kantun den Jayalalana, keur ngadeg sisi cai, nu ngudag kocap, di peutas keura alak-ilik.
- Katingali ku Raden pek digupayan, geura susul, jeu kami mantri nu tujuhan, kaget ningal budak meuntas sakitu tarikna cai, jalan ka mana, cai gede malak palid.
- Pada bingung kabeh mantri teu untupan, paur ningal cai tarik, ngan aya saurang, nu halen ujub bisa, ka baturna nyaur tarik, long susah-susah, het eleh ku bebenjit.
- Bel piraku Si Lalana bisa meuntas, urang mah komo mantri, gagab di urang, weduk sakti mandraguna, ulah mandeg hayu berik, ka mana lumpat, bras-brus laluncat mantri.
- Kerelep les mantri-mantri nu tujuhan, ka hilir paralid, teu daya upaya, ku cai tarik kabawa, roroesan ge mubadir teu walakaya, kalem hanteu tembong deui.
- Catur deui ayeuna Jayalalana, ningal mantri kabeh palid, manahna rada lega, faejgn li dinya ge angkat, mapay-mapay sisi cai, kantun leulusna, samar raos Den Raspati.
