Ieu kaca geus divalidasi
50
Pupuh Asmarandana
| 222. | Angin leutik ngadalingding neakan dangdaunan, raos raden nu nyarande, kana tangkal kai gordah, nyecep tiis raosna, Raden teu aya kaparu, geus lasatari anu ngudag. |
| 223. | Kacatur anu paralid, mantri-mantri anu tujuhan, can nepi kana papasten, kabeneran kabeh nyangsang, kana arcuy maruntang, haranjal naek ka luhur, salamet bisa ka daral. |
| 224. | Harita tuluy badami, ayeuna kumaha pela, aka mana urang nya leos, puguh udagan geus musna, rek balik urang kapalang, cek batuma atuh puguh, urang susah lalampahan. |
| 225. | Urang mapay sisi cai, ka mana he nepina, geus rempug tuluy marios, mapay di sisi wahangan, teu lami beh kapendak, handapeun gordah nu diuk, tetela Raden Lalana. |
| 226. | Nyarande sare ngajempling, tujuh mantri bungah manah, lakadalah bagja gede, ayeuna mah tangtu beunang, rek ka mana nya lumpal, hayu batur urang kepung, lalunan bisi ngejat. |
| 227. | Anu keur sare ngajempling, teu lilir ngarande tibra, ku sadaya didodoho, direjengan rek dibanda, Den Jayalalana reuwas, lilir bari budag-badug, jol lesot pananganana. |
| 228. | Nu di hareup ditampiling, anu di tukang disepak, anu di gigir ditonjok, mantri tujuh tingjarengkang, rikal Raden Lalana ngejat bari tuluy mabur, ninggalkeun anu nangkarak. |
| 229. | Den Lalana lumpat tarik, luhur gunung na puncakna, karepna rek nyumpul bae, tatpi barang jol datang, heran kabina-bina, heran dibarung jeung atoh, keur kitu aya nu dongkap, aki-aki janggota, ngagupayan bari nyaur, he Raden ka dieu hiap. |
| 230. | Den Lalana hemar-hemir ningal nu janggotan panjang, padahal lain sabrongbrong, eta aki-aki tea, nyatana mah pandiita, nu matuh di luhur gunung, tetesing payung nagara. |
| 231. | Kebon sayur tadi, eta kabeh ciplaan, nyayagikeun anu anom, kocap harita pandita, nuyun ka Raden Lalana, geus calik papayun-payun, galindeng resi ngadika. |
