Ieu kaca geus divalidasi
83
- Sawareh mah aya nu ngadadak nyangu, saaya-aya sayangi, luak-lieuk taya lauk, jig ka pipir alak-ilik, dig dagdug maraok endong.
- |Kajeun teuing najin di carek ku incu, da hayang nyorong nu ginding, tuluy disalin pabibut, anu boga baju pusing, tuluy leregan dilorod.
- Dibedahan ngadadak nyarieun baju, kajeun enggon ngabuligir, di jalan awewe ngabrul, ting hareureuy ting cikikik, geus pada datang ka kebon.
- Pupuntenan ka nini Boja di saung cek nini sumangga nyai, tuluy dariuk ngariung, cek nini rareuwas teuing, rek naraon nu aranom.
- Jawaban teh hayang bae, kuring tepung, lawas teu panggih jeung nini, ka nu manday ieu endog.
- Nini Boja nonggal tetenong ngaliud, atobna kaliwat saking, kumerot uruy, saumur kakara manggih, nu kokoro manggih kejo.
- Aeh nini saha nu manday di ditu, anu keur bareng jeung aki, walon nini kapan incu, geura mangga atuh nyai, bílih butuh ka parabot.
- Ka laluar awewe ti jero saung, nyalampeurkeun ka Gosali, gek dina bangku dariuk, naringkah paada gemeulis, mabek bau minyak mabok.
- Omong aki bade meser naon enung, boh bilih butuh ku kacip, paranti meulahan jebug, peso pengot gagang beusi, peso rajang sareng bedog.
- Pada meuli awewe pada parebut, meuli peso meuli kacip, aki Boja meunang untung, cah cih cuh aampanan duit, meunang satengah boboko.
- Tuluy mulang awewe lalaki ngabrul ti gosali rada tebih, di jalan seuri ngaguruħ, parebut ngaraku istri, majer teh silaing nyaho.
- Basa panday ngiceupan kami di ditu, baturna ngawalon jebi, ka kami mah ngajak ímut, ngiceupan, nyacarek balik, ka hayangna kudu ngendong.
