Ieu kaca geus divalidasi
84
- Eta kitu omong awewe ngagurub, silih tempas pilih genti, kocap nini nu di saung, dahar gede suka ati, nu aramis dadar endog.
- Kabeureuyan nini Boja renghaap ranjug, neleg lauk mani nyelingir, ngomong ngosom aduh bedul. lauk cucukan ti gigir, sugan tea bodas lepo.
- Henteu lila ki Boja datang ka saung, kaget bareng katingali, lakadalah loba lauk, jeung ieu anu aramis, berkat Juragan Anom.
- Aki Boja daharna teh mani rampus, beuteungna mani mutiktrik, geus kitu ngomong ngalenggut, walahwah- weuleuhweuh seuri, heuay kemerekaan ongkoh.
- Saban por nu meuli ngaguruh, aki nini loba duit, ganti sarung reujeung baju, icikibung nyoo duit, nu kapungkur mah geus poho.
Pupuh Pangkur
- Aki nini suka bunguh, jero saung geus pinuh ku karung duit, di sisi saung ge numpuk, saur Raden ka ki Boja, hayang nyaho duit ku aki, harita keneh dibilang, dijajar-jajar ngabaris.
- Saung pinuh ku jajaran, sup ka kolong tuluy deui milang duit, beak kolong tuluy turun ngajajarkeun di buruan, tina karung harita diudul-udul, geus pinuh sakuriling na, ngajajar bilangan duit.
- Aki sabaraha pasmet, walon aki Agan duka teuing, aki lieur liwat Ingkung, teu sanggup aki milang, padahal mah saumur can milang kitu, basa pasmat tacan terang, kanyahona genep duit.
- Den Anom gumujeng ninggal, polah aki nu saumur tacan harti, milang duít rebu-rebu, wekasan seung ngandika, aeh aki urang, kudu buru-buru ngabogaan gede imah, keur wadahna gudang duit.
- Jawab aki aduh Agan, pami kitu eta kalintang peryogi, gaduh bumí enggal atuh, keun aki meulian bahan, nyaur raden kaula mah hayang isuk, imah beunang dieusian,
