Ieu kaca geus divalidasi
85
- Meulian bahan mah lila, hayang buru-buru pindah sareng aki, mun lila mah ulah tulus, sanggeus nyaur Den Lalana, nyandak jimat cingcin ti ibu kapungkur, dişusutkeun kana soca, torojol dua patih jin.
- Ku aki mah teu katinggal, malah-malah nu sumaur teu kakuping, ngeresek lir angin puyuh, gawena hookeun ninggal, kuram-kireum ngusap bungeut jeung rumahuh, sidik harita di dinya, geus jadi nagara resik.
- Ciciptaan patih jin tea, gedong beres ngajajar maningabaris, patamaban narik semu, ngembat jalan keur kereta, pasar anyar ngarendeng jeung alun-alun, marakbak nagara anyar, rasa jalma balawiri.
- Ayem-ayem padamelan, dieusian ku meja, ditiung korsi, ranjang beusi tempat tidur, parabot sing sarwa cemas, peso sendok jeung garpuh emas wungkul, korsi gading panglinggihan, diteretes inten rukmi.
- Pangkuleman dua tempat, anu hiji paranti aki jeung nini, teu beda saujung rambut, aki jeung nini harita, keur beberes gawe ngurus tempat tidur, tuluy turun ngadon ngaca, luwa-lewe ngajebi.
- Geus kitu deregdeg lumpat, tumpa-tempo nulak cangkeng ngomong tarik, jongos maneh buru-buru, menta cai gula jawa, sakalian mawa bubuy hui.
- Kuweh kaleng anu aya, aki nini ambekana mani buncelik, maneh ku culanggung, menta hui hanteu aya, kueh kaleng matak raheut biwir tangtu, kurang ajar ke dioslab, ka juragan sepuh wani.
- Catur deui Den Lalana, harita teh calik dina korsi gading aki jeung mini dariuk, mando hormt kacida, saur Raden leh gedong nu alus nyieunna teu wulan-wulan, kami mah sapeuting jadi.
- Mun nungguan aki lila tacan tangku satuan ge bisa jadi, tapi omat ulah geruh, serta telep pegawean, urang manday, prak digawe di gosali.
