Ieu kaca geus diuji baca
Kitu deui ka sobatna, Tubagus Raksa.teu lali, nu ngangkat jadi lantaran, nya eta Dolf D. Berling, teu eureun silih asih, nepi ka pada pangsiun, tetep panarimana, ti lahir nepi ka batin, umangkenna teu beda reujeung baheula.
Di dieu teu dicarita, Tubagus Raksa Jurutulis, hal naek-naek pangkatna, tina suhud jeung gumati, nyepeng damel nagari, dicatur prantos pangsiun, tina Papatih kota, jeung meunang ganjaran leuwih, kenging bintang sareng titel pangkat Rangga.
Dongkap kana pangsiunna, beurat-beunghar sugih mukti, dihormat disembah-sembah, jalma pada wedi asih, lantaran galih suci, sepuh timpuh rea elmu, didamel patarosan, hal elmu lahir jeung batin, praputrana jareneng sadaya mulya.
-oooOooo-
84
