Ieu kaca geus diuji baca
13
- Ditĕraskeun dugi ka Gunung Masigit, Binarum Kania, masigit bisa wawarti, tjapetang tjara manusa.
- Disěbatkeun andjeunna di dinja mukim, djeung nampi sagala, pepeling ti eta masdjid, pikeun těrbuka ahirna.
- Teu kaliwat ku Sang Dewi Paramanik, paměndak di dinja, sartana kana dumugi, dongkap Mandrawati buta.
- Disěbatkeun lampahna milari landi, pikeun anak radja, buta nagara Burbani, dituduhkeun ka Riskomar.
- Ditĕraskeun dipiundjuk ku Pramanik, waktos kasumpingan, Putri Djin pusěring bumi, Sang Adjěng Ratna Suminar.
- Diundjukkeun samaksadna Adjěng Putri, pang dongkap ka dinja, milari tumbal nu matih, baris ngalandongan artja.
- Teu kaliwat njarioskeun Sang Putri djin, pamaksudanana, sartana kana dumugi, djalěngkar ti gunung eta.
- Sarta dongkap ka těmpatna Turna-Turni, djuru patanian, diundjukkeun leuwih-leuwih, aneh sugri sapamĕndak.
- Asal-usul Turna-Turni djuru tani, sarěng Adjěng Ratna, sartana kana dumugi, Ginggi mawa Patih Kumba.
- Kenging nangkěp Sang Putri pusěring bumi, bade dihukuman, di djěró kamar wěrědjit, ngaran Djurung-padjarangan.
- Radjaputra teu ngalahir, ngadangu rai undjukan, ngahulěng bawaning kaget, Sang Dewi Pramanik tĕras, njarios sapamĕndak, waktu djěngkar ti Sirkawur, nilar tempat pangěbonan.
- Dumugi ka Lariburi, měndak Manetji Manetja, ngadongeng iampah bareto, anu sakitu anehna, sarta kana sumpingna, ka těgal panggung praratu, tempat kai Langlangsona.
- Diundjukkeun leuwih-leuwih, matak djadi pakagetan, seueur nu gaduh lalakon, sugri nu aja di dinja, pasal kaprihatinan, sarta dumugi ka waktu, andjeunna ningalan sĕrat.
- Ti Njai Endang Manetji, dugi kana kalělěban, nandangan tĕrěsna abot, ngawatja ungěling sěrat, dumugi kapiuhan, diundjukkeun ari emut, geus aja di Ragatoja.
- Di bumina Maha Rěsi, dipeuseulan ku Pursita, tutup Pramanik tjarios, ka raka Sang Radjaputra, sartana sakalintang, ngadjadikeun
