ka alam aherat.
25. Mung atjeuk aja kaheran, ménggah ku salira aji, nalika barang papisah, atjeuk dibantun Manetji, naon nu djadi margi, ka atjeuk aji tey njusul, atjeuk kantun ngénésna, énja ge aja di Rési, gaduh sangka atjeuk ku aji dibuang.
26. Ngawangsul Ratna Suminar, bari pasémon nu isin, éh atjeuk kanténan pisan, atjeuk kagungan panggalih, ménggah ka diri rai, kirang sumudjud satuhu, dina waktos harita, mung Gusti anu tingali, karepotan pangodjah raraga njawa.
27. Madhab papat teu kaliwat, laut daratan diungsi, mung kadar
Jang Maha Sukma, pibajaeun diri rai, kana njorang prihatin, rai teh djudjul panému, atjeuk hénteu kapéndak, rai dugi sisip budi, nadah sub‘ah ménding raga njorang pédjah.
28. Amung rai sawangsulna, tumaros anu sajakti, nu djadi wiwitana- na, atjeuk kagungan sak galih, wantun nilar ka rai, lir aja kakusut kalbu, Sang Dewi ngawalonan, atjeuk rada susah ati, dipariksa raratan nu djadi asal.
29. Upami hojong uninga, kédah mariksa Manetji, marga eta anu térang, ka pasal atjeuk teh tadi, margi nilar ka aji, teu lami Sang Ratu Aju, ka Manetji mariksa, pasal raratan Sang Dewi, hénteu Jami éndang Manetji undjukan,
30. Nérangkeun asal-usulna, pangna ngabantun Sang Dewi, tatag taja nu kaliwat, wantuning diapik-apik, tamat Endang Manetji, piun- djuk ka Ratu Aju, Adjéng Ratna ngadika, bari méntjrong ka Manetiji, abong onom kalah ka bolotot mata.
Bi. Dewi Pramanik ngandika, ka rai Sang Ratu Putri, aji teh téras ka mana, sanggeus ka atjeuk milari, dumeh hénteu kapanggih, sarta di- Sarangka pupus, teu lami Adjéng Ratna, undjukan ka Sang Pramanik, njarioskeun raratan lampah andjeunna,
32. Tatag taja nu kaliwat, ti barang ti tégal mulih, ka kota nagri Banuja, sartana kana dumugi, nangkép Maha Narpati, Burusganur djuru ténung, dongkap kana ngabuka, sakur nu nandang tjotjobi, njo- rang bahja ku Wisaja katénungan,
33. Sarta dumugi ka mangsa, kaheméngan di wiati, ilang sugri nu disédja, kaléngér dugi ka geubis, tina téngah wiati, ragrag kana puntjak gunung, pasantren Ragatoja, térus ngudag Rohongguris, Rati Putri enggeus tamat wawartana.
34. Dewi Pramanik mariksa, kumaha Sang Burus kenging, nga- wangsul Ratna Suminar, Burusganur kabur tébih, ajeuna tatjan kenging,
