Poesaka Soenda 1923-12-2(06)
| Poesaka Soenda 1923-12-2(06) (1923) |
| garwa Rd. Ar. Djajeng Resmi sareng Djajeng Tilam diiringi koe panakawan doea Coesberok djeung Goespoeja, ka patapan Tjengkal sewoe, tapi Adjar Saloka, sareng garwana eta doea satria tea geus teu aja, Tjarik pioendjoek: Sang Adjar poepoes aja anoe ngabegal di djalan, doeka dibojong, doeka moeboes, moeng moal boa deui kawasna dibojong koe moesoeh anoe teu poegoeh losna tea.
Doea satria sangsara ngilari garwana. Doea satria ngadangoe wartos di lemboer Dadapan bawahan Bodjanagara aja randa boga anak doea gareulis. Koe satria didongdon soegan djeung soegan. . . . . . . . . . . . . 6. Di lemboer Dadapan, Nji Randa keur ngaririhan poetri noe doea Ken Poespita Wati sareng Ken Poespita Sari, soepaja kersa dipigarwa koe ratoe Bodjanagara. Poetri dibibita koe Nji Randa. Poetri narangis tina emoet ka tjaroge, moentang ka noe kawasa, hojong geura di djait tina prihatin, tepang deui djeung rakana, anoe diarep-arep siang wengi. Djol soemping satria doeaan, teu samar deui tetela tjarogena, gabroeg silih rangkoel silih tangisan, sosonoan patepang dina kalaraan. Nji Randa poengak-pingoek larak-lirik samar rampa. Nji Randa tjeurik neda hampoera ka satria, toeloej bebedja ka nagara. Radja Bodjanagara bendoe ka satria anoe doeaan. Lemboer Dadapan dikepoeng koe wadia bala, satria koedoe ditangkep. . . . . . . . . . . . . 7. Kotjap Patih Adipati Satama djeung garwana anoe djenengan Njai Satomi, asroek-asroekan ngilari timbalan ratoe, toeroen goenoeng oenggah goenoeng. Noedjoe keur aja di goenoeng Wela Hoeloe, tengah wengi, Patih Satama nampi wangsiting dewa, jen geusan ngalaksanakeun pamoendoet ratoena teh, andjeunna djeung garwana koedoe tatapa, koelem di djero goeha anoe aja ditengah-tengahna leuweung Wela Hoeloe tea. |
Djengkar ngilari goeha pitempateun tatapa. Patih Satama tepang sareng 10 djelema anoe keur ngarala kai. Anoe 10 djelema dihiras ngadamel lombang djero, diboeroehan doenja barana. Lombang anggeus. Istri-pameget wengina lalebet ka djero lombang bade tatapa, dikarimboen koe sindjang dodot. Barang parantos 40 dinten 40 wengi tatapana, bidjil haseup sorana ngageleger sada gelap ngampar. Sora kadangoe ka Kapatihan. Para poetra gehger, doemeuheus ka Kangdjeng Radja ngoendjoekkeun wangsit ramana. Oetoesan Ratoe ngoengsi ka goenoeng Wela hoeloe, meunang raratan ti djelema 10 toekang ngala kai tea. Lombang diteang beh katingali siga doea djelema anoe keur koelem sakampoeh koe sindjang kebat. Arja Lowang teu samar jen eta sindjang anggoan aboena, enggal toetoeroeboen ka djero lombang, kampoeh di boeka. Kaget sadaja, Arja Lowang nangis, reh barang braj sindjang diboeka, itjal jasad Patih Satama sareng garwana Njai Satomi, beh aja mariem doea. Mariem ditangisan koe para poetra. Marien digotong koe wadia bala ditjandak ka nagara. . . . . . . . . . . . . . 8. Di nagara Bodjanagara, Sang Praboe dideuheusan koe Patih sareng para Boepati mantjanagara. Patih oendjoekan ngoeningakeun paraponggawa anoe ditimbalan ka Dadapan, meh sadaja tjarem kasamboet kawon djoerit koe satria anoe ngakoekeun salaki Ken Poespita Wati djeung Ken Poespita Sari. Kangdjeng Radja bendoe, nimbalan ngaroeroeg . . . . . . . . . . . . . 9. Dadapan dikepoeng. Raden Djajeng Resmi sareng Raden Djajeng Tilam diperangan koe balad Bodjanagara, Balad Bodjanagara eleh kabeh. Radja Bodjanagara madjeng perang, barang gok adoe hareupan, katingali jen Satria Poetra Padjadjaran, gabroeg dirontok ditangisan, Sang Radja moendoet hapoenten. Sang Radja Bodjanagara nimbalan Patih njajagikeun tandoe djoli djeung djampana anggoeun poetra-poetri. |
|
Broel moelih ka Galoeh diiring koe wadia bala Bodjanagara. . . . . . . . . . . 10. Di nagara Galoeh, Kangdjeng Praboe dideuheusan koe R. A. Djajeng Sari sareng para Boepati, keur ngadjeng-ngadjeng rai-rai anoe mapag garwa teu atjan saroemping keneh bae. Sabot keur kitoe broel aleutan ti Bodjanagara soemping. Rd. Djajeng Resmi, Rd. Djajeng Tilam sareng garwa-garwana, nja kitoe deui Praboe Darma Soesena sareng para boepati lalebet ka Kadaton, doemeuheus ka kangdjeng Praboe. Para ponggawa Galoeh anoe ngagotong mariem, diiringkeun koe Rad Arja Lowang poetra Patih Satama, saroemping ka nagara. Kangdjeng Praboe soeka-doeka ningali kadjadianana papatih Satama sareng garwana, ganti djisim tigin sadawoehan. Mariem dingaranan Satama sareng Satomi. Raden ArjaLowang didjenengkeun papatih ngagentos ramana, dipaparin djenengan Adipati Bodjolewang. . . . . . . . . . . Kangdjeng Praboe ngadawoeh ka Rai Dalem Rad. Ar. Among Sari, dawoehanana: “Kakang katjida soesahna pedah tjeuli njeri teu aja mendingna, tepi ka ajeuna geus koerang roengoe, oebar sagala oebar, oebar taja noe mental. Kakang nampi wangsiting Dewa, koedoe dilandongan koe getih djeung hamperoe landak. Ajeuna taja deui anoe koe kakang diperih ngan adi pribadi, koedoe boeroe-boeroe moro landak masing meunang!”. Raden Arja Among Sari njanggeman satimbalan rakana, harita keneh djengkar disarengan koe Rad. Soerengpati sareng Rd. 11. Soeranggapati Raden Arja Among Sari sabaladna soemping ka tengah leuweung bade moro landak; ngoebek dihaben disaksrak weleh teu mendak tapak-tapakna atjan. Kaleresan barang eta tiloe satria soemping kana lamping hidji pasir, mendak landak sahidji. Landak diboeroe koe tiloean lapoer, aboes manten kana liangna. Tiloe satria barempag Rd. Soeranggapati diperih koedoe njoesoel ka djero liang anoe doeaan megat ti loear. Rad. Soeranggapati gebloes ka djero |
goeha, kawenehan, salin tinggal asa aoep ka nagara. Soemping ka karaton agreng, djelema balawiri. Raden Soeranggapati mariksakeun ka hidji djelema anoe dioek dipaseban agoeng saoerna: “ Ki Sanak, ieu teh nagara naon ngaranna mana rame-rame teuing, djeung saha anoe kagoengan nagara?”.
Walon anoe ditaroes “ Bisi teu oeninga nja ieu anoe katelah nagara Kandapan teh, ari anoe djoemeneng Ratoe kakasihna Praboe Anggapati!”. Saoer Raden: Aja naon djelema mana objag pasoelibrengan kieu, kawas keur aja kasoesah!” Walon anoe ditaroes:” Weu enja pisan, djelema keur pada soesah, miloe soesah ka Kangdjeng radja, pedah poetri poetra Kangdjeng Radja, teu damang wales, ari asalna moelih pelesiran, soemping-soemping broek teu damang, dongkap ka ajeuna teu iasa goegah-goegah atjan. Doekoen-doekoen dikeloen paradji dikerid, tapi weleh teu aja anoe bisa ngadamangkeun. Anoe mawi ladjeng Kangdjeng Radja ngadamel saembara kieu:Saha-saha anoe bisa njageurkeun kasawat poetri, baris teroes dipoeloeng mantoe ditikahkeun ka poetri, sarta didjoengdjoeng djadi Radja Anom marentah nagar sabeulah. Tah anoe mawi sakieu objagna teh pedah keur saembara. Tjing soegan andika iasa ngalandongan, mangga oepami kersa koe koering didjadjapkeun diiring ka karaton!”. Saoer Rad. Soeranggapati:nja oerang balagondjangan bae, soegan djeung soegan!” Lalebet ka karaton. . . . . . . . . . . 12. Di karaton Kandapan, Praboe Ganggapati dideuheusan koe Patih Ganggastoera sareng para najaka, keur goenem tjatoer njarioskeun poetri Anggranari teu damang wales, geus disamarkeun menjat deui. Djol dongkap ngabei Grogol ngiringkeun Rd. Soerenggapati, sarta dioendjoekkeun jen sanggem ngalandongan poetri. Kangdjeng Radja soeka galik, boedal ka Kapoetren. Sang Poetri kasawatna wales diroeboeng-roeboeng koe para emban. |
|
Koe Rd. Soerenggapati dilandongan koe lisah sang kalpoetoeng, Poetri dadak sakala damang. 13. Rd. Soerenggapati diangkat djadi Praboe Anom, ngamilik Sang Poetri, soekan-soekan oleng panganten. Praboe anom, gentos anggoan paparin garwana. Praboe Anom hojong ngadjadjah nagara Broel para goelang-goelang ti pajoen, anoe ngiring ratoes-ratoes. 14. Rd. Arja Among Sari. Ngabehi Soerengpati sareng sadaja oerang lemboer anoe keur ngantos Rd. Soerenggapati, ningal landak njeksrek bidjil tina liang. Pahiboet landak ditewak, anah kabeuh lindeuk da keur ngiring ratoena. Beh katingali ratoe landak ngadjoenggiring diabring-abring, rek pada newak kaboeroe ngedjat aboes kana liang. Praboe Anom mah ningali ka Rd. Soeranggapati, enggal ngedjat ngagentos panganggo sarta djleg djadi Rd. Soerenggapati deui, mendakan ka anoe keur moro landak tea,. Ditjarioskeun lalakonna. Boedal ti pamoroan moelih ka nagara, doemeuheus ka Kandjeng Radja, njarioskeun lalakon kawenehan sareng njanggakeun landong. Kandjeng Radja damang. . . . . . . . . . . 15. Katjarioskeun Radja Kandapan, Praboe Ganggaspati bendoe ka oerang Galoeh, rah mantoe kabojong balad dikaniaja. Nimbalan mapak bala ngaroeroeg ka Galoeh. Nagara Galoeh diroeksak landak. Praboe Galoeh moendoet toeloeng ka Bagawan Noesoek Toenggal pikeun njegah landak. Oerang Galoeh dipaparin gagaman wit rodamala (bagal gebog), landak maboer katawoeran.
Tantjeb kajon
|
oerang Islam noeroetkeun atoeran Islam, oerang Kristen noeroetkeun atoeran Kristen.
Tapi koemaha ari petana oerang Soenda baheula dina parkna moelasara majit? Tangtos pisan benten deui ti ajeuna. Ieu di handap diserat kenging njoetat tina boekoe panglajang Bat. Gen. karangan Rad. Karta Winata Djoeragan Patih Soekaboemi marhoem, (nalika njepeng damel di Soemedang), bab adat kapapatenan oerang desa Bengang katjamatan Boeah-doea distrik Tjoengeang, apdeling Soemedang. Adat kieu teh antjal-antjalan ajana, ngan kari di djelema anoe atjan sakoemaha kapandjinganana agama Islam bae, nja eta anoe ngoekoehan keneh kaboehoenan, kitoe oge dina pok-pokanana mah geus rea lambonanana, tjampoer Soenda Arab djeung Djawa. . . . . . . . . . . Anoe rek maot keur ngahandjoe rek ngaleupaskeun njawa, lain didikiran atawa dipangadjikeun, tapi dikawihan, lagoena geus ngabakoe tjara kawih pantoen atawa tjara lagoe ronggeng. Kieu pok-pokan kawihna: Tobat Allah, . . . . . . . . . . Dikawihanana nepi ka lastarina. Sanggeus les kakara eureun sarta majit di roeroeb. Dina njiramanana oge aja anoe koedoe dipapatkeun, kieu pok-pokanana: Sang ratoe Pangeran Hantaroem,
|
Kalawarta Poesaka Soenda
| Taun ka-1 | Taun ka-2 | Taun ka-3 | Taun ka-4 | Taun ka-5 | Taun ka-6 |
|---|---|---|---|---|---|
| 1922-07 | 1923-07 | 1924-07 | 1925-07 | ||
| 1922-08 | 1923-08 | 1924-08 | 1925-08 | ||
| 1922-09 | 1923-09 | 1924-09 | 1925-09 | ||
| 1922-10 | 1923-10 | 1924-(10-12) | 1925-10 | ||
| 1922-11 | 1923-11 | 1925-01 | 1925-11 | ||
| 1922-12 | 1923-12 | 1925-02 | 1925-12 | ||
| 1923-01 | 1924-01 | 1925-03 | |||
| 1923-02 | 1924-02 | 1925-(04-05) | |||
| 1923-03 | 1924-03 | 1925-06 | |||
| 1923-04 | 1924-(04-05) | ||||
| 1923-05 | 1924-06 | ||||
| 1923-06 |